Partneri jonë Menaxhues Dastid Pallaska u nderua me çmimin Avokat Model

Më 10 qershor 2013, Partneri ynë Menaxhues, Dastid Pallaska, u nderua me çmimin Avokat Model nga Oda e Avokatëve të Kosovës me rastin e 40 vjetorit të odës. Ky çmim iu nda gjithsej katër avokatëve, dy nga gjenerata e vjetër dhe dy nga gjenerata e re.

Dhënia e këtij çmimi u shënua nëpërmjet një dokumentari i cili u prodhua nga Oda e Avokatëve të Kosovës, dhe i cili synon të prezantojë Avokatët Model të Kosovës me qëllim të tërheqjes së juristëve më të mirë dhe më të dalluar për t’iu bashkangjitur këtij profesioni. Në këtë dokumentar, i cili mund të shikohet më poshtë, Dastidi ndër tjerash flet për rëndësinë e punës pro bono.