Kontratat Komerciale

Ekipi ynë ka përvojë të gjatë në këshillimin e blerësve, shitësve dhe investitorëve financiar në transaksionet më të mëdha komerciale në Kosovë dhe regjion. Ne ndihmojmë klientët tonë në strukturimin dhe dokumentimin e transaksioneve të tyre në mënyrë që të forcohet marrëdhënia e tyre me partnerët, duke rritur gjithashtu vlerën e afarizmit të tyre. Ekipi ynë është i përfshirë në shumëllojshmëri transaksionesh nga transaksionet vendore dy-palëshe deri tek transaksionet shumë-palëshe të cilat kanë shtrirje në juridiksione të ndryshme.

Ne negociojmë dhe hartojmë kontrata komerciale në të gjitha fushat e biznesit. Marrëveshjet komerciale të hartuara nga ne kanë për qëllim avancimin e interesave tuaja duke balancuar riskun dhe shpërblimin për ju dhe partnerët tuaj. Këto kontrata përfshijnë por nuk kufizohen me kontratat e blerjes dhe furnizimit, partneritetit, agjencisë dhe shpërndarjes, franqizave, logjistikës dhe magazinimit, menaxhimit të objekteve, arranzhimit të menaxhimeve, transfereve komerciale, ndërmarrjeve të përbashkëta, aleancave strategjike dhe të partneritetit.