Kosova nikoqir i konferencës regjionale “Tregu i Energjisë Evropa Juglindore 2013”

Më datën 10 tetor 2013, në ambientet e Hotel Swiss Diamond në Prishtinë, u mbajt Konferenca rajonale “Tregu i Energjisë: Evropa Juglindore 2013” e organizuar nga kompania Evroenergie e cila është pjesë e grupit të mirënjohur Energiewelt nga Gjermania. Folësit në këtë konferencë ishin akterë kyç në sektorin e energjisë nga i gjithë rajoni, duke përfshirë Ministrin e Zhvillimit Ekonomik të Kosovës, Zt. Fadil Ismajli, Ambasadorin e Austrisë në Prishtinë, Dr. Johan Brieger, Shefin e Divizionit në Ministrinë Federale të Ambientit në Gjermani, Zt. Franz-Josef Schafhausen dhe Kryesuesin e Shitjeve të Rrjetit në E.ON Mitte AG, Zt. Sven Nuhn.

Ndër folësit kryesor në këtë konferencë ishte edhe Partneri ynë Menaxhues, Zt. Dastid Pallaska, i cili prezantoi një vështrim ligjor rreth temës “Financimi i Projekteve në Sektorin e Energjisë”. Ndër të tjera, Partneri ynë Menaxhues prezantoi aspektet kyçe të Financimit të Projekteve, strukturën, përparësitë dhe të metat e kësaj mënyre të financimit si dhe matricën për menaxhimin dhe zbutjen e riskut përgjatë implementimit të këtyre projekteve në sektorin e energjisë.